Шпанскиот актер Франциско Сан Мартин почина на 39-годишна возраст. Сан Мартин бил пронајден мртов во својот дом, а полицијата во Лос Анџелес потврдила дека извршил самоубиство.
Актерката Камила Банус, која глумеше со него во серијата „„Денови на нашите животи“ (Days of Our Lives), се прости од него на Инстаграм.
„Што да кажам освен те сакам и почивај во мир пријателе. Те сакам многу, толку, толку многу… Посакувам тоа повеќе да ти го кажував“, напишала таа, пишува „Дејли мејл“.
Шпанскиот актер е роден на 27 август 1985 година, а кога бил дете со семејството се преселил во САД. Тој беше најпознат по својата улога како Дарио Хернандез во долготрајната драмска серија „Денови на нашите животи“, која се емитува од 1965 година. Тој се појави во епизоди снимени помеѓу 2010 и 2011 година. Својата актерска кариера ја започнал во детски театарски претстави, подоцна преминал во манекенството и на крајот се посветил на актерството.
Неговите други значајни улоги беа во филмот „Зад канделабрите“ од 2013 година, како и во серијата „Храбриот и убавиот“ од 2017 година. Истата година, тој го играше менаџерот на имот Фабијано Регал дел Сиело во популарната серија „Jane the Virgin“.
