Министерот за надворешни работи на Израел, Гидеон Саар, изјави дека е постигнат напредок во тековните преговори за постигнување договор за прекин на огнот, објави Тајмс оф Израел.
– Постигнат е напредок; гледаме одреден напредок во преговорите. Израел сака договор за заложниците. Израел работи со нашите американски пријатели за да постигне договор за заложниците, а наскоро ќе знаеме дали и другата страна го сака истото – рече Саар на прес-конференција во Ерусалим, заедно со неговиот дански колега, Ларс Локе Расмусен, во посета на земјата.
Запрашан за временската рамка за потенцијален договор, Саар потврди дека има напредок.
– Реков дека изгледа многу подобро од претходно, но не сакам да кажам повеќе од тоа бидејќи сфаќам дека некои семејства се чувствителни на секој збор и на секоја реченица – појасни тој.
Саар вели дека Израел работи и со администрацијата на Бајден во заминување и со администрацијата на Трамп и дека се надева дека набргу ќе се оствари договор, но дека тоа допрва треба да се докаже.
