САД ноќеска испратиле лоша порака за Србија во врска со НИС дека сакаат целосна промена на сопственоста од страна на руските акционери, но дека е добиено одобрение за преговори за сопственост со важност до 13 февруари ,изјави денеска српската министерката за енергетика, Дубравка Ѓедовиќ Хандановиќ.
-На барањата на адвокатите на НИС, кои ги испратија до американската влада и со кои понудија договор за промена на управувањето во НИС, за прв пат американската администрација јасно и недвосмислено кажа и напиша дека сака целосна промена на сопственоста на руските акционери, односно дека бара излез од руската сопственост од компанијата НИС – рече Ѓедовиќ Хандановиќ.
Таа додаде дека САД инсистираат зад новите сопственици не смеат да се кријат ниту руски соработници на Газпром ниту руската влада
Ѓедовиќ Хандановиќ изјави дека е добиено одобрение за преговори за сопственост со важност до 13 февруари, но не и дека НИС и Рафинеријата можат да продолжат да работат.
Владата на Србија утре ќе одржи состанок во врска со информацијата, на кој се поканети сите директори на јавните претпријатија.
