Руски дронови оштетија бродови, силоси за жито, магацини…

Топ Вести - Слушај сега

Русија цела ноќ ги напаѓаше црноморските пристаништа во украинскиот регион Одеса, оштетувајќи бродови, силоси за жито и магацини на приватни претпријатија, изјави украинскиот вицепремиер Олексиј Кулеба, министер за заедници и територијален развој на Украина.

- Advertisement -

– Пристаништата во регионот Одеса биле подложени на континуиран непријателски оган цела ноќ. Како резултат на нападите со дронови, оштетени се силоси за жито, магацини на цивилни претпријатија, катамаран и бродови што пловат под знамиња на Словачка и Палау. Службениците за итни случаи гасат пожари во погодените области. Пристанишните работници ја проценуваат големината на штетата – рече Кулеба.

Тој истакна дека се пријавени прекини во снабдувањето со електрична енергија. Техничарите работат на нејзино враќање.

Руските сили, исто така, гранатирале терминал во регионот Николаев. Таму бил погоден брод што плови под либериско знаме. Нема извештаи за жртви.

Штети од руски беспилотни летала се регистрирани и на железничката линија до градот Лвов кај станицата Ковел. Биле погодени локомотива и товарен вагон.