Русија реагира, Хегсет порачува дека венецуелската нафта е блокирана во целиот свет

Топ Вести - Слушај сега

Руското Министерство за транспорт остро реагираше на запленувањето на танкерот „Бела 1/Маринер“ од страна на САД, обвинувајќи го Вашингтон дека ја крши Конвенцијата на ОН за поморски права од 1982 година.

- Advertisement -

Во соопштението се нагласува дека „ниту една држава нема право да употреби сила против бродови кои се соодветно регистрирани во јурисдикциите на други држави“.

Министерството потврди дека на танкерот му е доделена привремена дозвола за пловење под руско знаме на 24 декември минатата година.

Додека се посветува големо внимание на запленувањето на танкерот за нафта „Маринер“ во Атлантикот поради неговите врски со Русија, Јужноамериканската команда на САД потврди дека денеска запленила уште еден танкер, во „операција пред зори“. Овој бродот, со име „М/Т Софија“ е запрен во Карибите.

„Министерството за одбрана, во координација со Министерството за внатрешна безбедност, спроведе неслучајно пресретнување на танкер од флотата во сенка, без државјанство, со санкции, без инциденти. Пресретнатиот брод, „ Софија“, пловел во меѓународни води и вршел нелегални активности во Карипското Море. Крајбрежната стража  го придружува бродот до Соединетите Американски Држави, за конечно отстранување. Преку операцијата „Јужно копје“, Министерството за одбрана останува цврсто во својата мисија да ги спречи нелегалните активности на западната хемисфера. Ќе ја браниме нашата татковина и ќе ја вратиме безбедноста и силата низ цела Америка“, се вели во соопштението од Јужноамериканската команда на САД.

Американскиот министер за војна Пит Хегсет изјави дека блокадата на САД врз санкционираните венецуелски танкери за нафта останува „насекаде во светот“.

Претседателот на САД, Доналд Трамп, нареди на 16 декември нареди да се блокираат сите танкери за нафта што влегуваат и излегуваат од Венецуела.

САД денеска го запленија танкерот „Маринера“, што плови под руско знаме и наводно носи венецуелска нафта.

„Запленет е во северниот Атлантик, врз основа на потерница издадена од американскиот федерален суд, откако бил следен од американската контролна единица Мунро, објави американската Европска команда на социјалната мрежа Икс.

Бродот, порано познат како „Бела-1“, беше обвинет дека ги крши санкциите на САД и врши превоз на иранска и венецуелска нафта, а пловел под руско знаме.