РИЈАНА ГО НАПУШТИ ЛОС АНЏЕЛЕС

Топ Вести - Слушај сега

Пејачката Ријана го напуштила Лос Анџелес по шокантното пукање кон нејзиниот дом во Беверли Хилс. Таа била забележана како заминува во автомобил со нејзината придружба кон приватниот дел од аеродромот Ван Најс, откако жената што пукаше во нејзиниот дом беше обвинета за обид за убиство, пишува „Дејли мејл“.

- Advertisement -

Ријана отпатувала со мал приватен авион со два мотора. Сепак, сè уште не е познато дали заминувањето било поврзано со инцидентот или веќе имала планови за патување.

Од инцидентот постои аудио снимка од 911, на која може да се чуе како диспечерите панично кажуваат дека кон куќата биле испукани 10 куршуми. Според полицијата, Ријана била во својот дом во време на пукањето.

Напаѓачката, идентификувана како 35-годишната Ивана Ортиз од Флорида, е обвинета за обид за убиство и е притворена со кауција од 10,2 милиони долари.

Ортиз има претходни апсења за семејно насилство, несовесно возење и кршење на условите за предсудско ослободување во Флорида.

Извор близок до Ријана и Ејсап Роки изјавил дека двојката не знаела многу за инцидентот и немала поим што се случило. Исто така, било потврдено дека Роки не бил дома во времето на пукањето. Не е познато дали нивните деца, РЗА (3), Риот (2) и Роки (пет месеци), биле дома во времето на нападот.

Одделот за грабежи и убиства при Полициската управа на Лос Анџелес моментално го истражува инцидентот. Детективите работат на утврдување на мотивот на напаѓачот.