Јужноафриканската рударска компанија „Сибање-Стилвотер“ во петокот соопшти дека е во тек спасувачка операција за спасување на 289 рудари заробени под земја во нејзиниот рудник за злато „Клоф“ во близина на Јоханесбург.
„Можеме да потврдиме дека имавме инцидент во шахтата Клуф 7 и во моментов спроведуваме процедури за обезбедување (на подрачјето) и испитување на шахтата, по што ќе ги извлечеме вработените на површина“, изјави портпаролот на компанијата.
Портпаролот рече дека сите вработени се евидентирани и безбедни, и дека компанијата е во процес на доставување храна до нив.
„Очекуваме ситуацијата да биде решена до денес напладне“, рече портпаролот.
Националниот синдикат на рудари (NUM) претходно соопшти дека добил извештај за инцидентот, за кој рече дека се случил околу 22 часот во четврток.
