Рафинериите ги откажуваат договорените испораки

Топ Вести - Слушај сега

Националната комисија за развој и реформи на Кина (NDRC) ги повика рафинериите веднаш да престанат да потпишуваат нови договори и да преговараат за откажување на веќе договорените испораки.

- Advertisement -

Меѓу засегнатите компании се Petrochina, Sinopec, CNOOC, Sinochem и Zhejiang Petrochemical.

Кина е трет најголем извозник на нафтени производи во Азија, но го користи поголемиот дел од производството за домашни потреби.

Аналитичарите од индустријата истакнуваат дека Кина користи систем на квоти за извоз на нафтени деривати со цел да го заштити домашниот пазар и енергетската безбедност во вонредни околности, а веќе постапила на сличен начин во февруари 2022 година, кога започна војната во Украина.

Рафинериите во Јапонија, Индонезија и Индија веќе го намалуваат производството и го суспендираат извозот за да ги зачуваат домашните залихи.

Аналитичарите предупредуваат дека долгорочната блокада на транспортот на енергија преку клучниот Ормутски теснец би можела дополнително да ги зголеми цените на нафтата и да доведе до нови инфлаторни притисоци во Азија.