Радост и детска смеа во Мешеишта – Бадник одбележан со традиција и љубов

Денес го одбележавме Бадник во Општина Дебарца, денот што го најавува раѓањето Христово, а најмалите граѓани на општина Дебрца беа дел од топла прослава што ги обедини духовните вредности, традицијата и заедништвото.

- Advertisement -

Во храмот „Св. Петар и Павле” во Мешеишта, денешниот ден беше испреплетен со детска смеа, радосни лица и топлина што ја шират празниците. Дечињата со нетрпение ги примија новогодишните пакетчиња, кои претставуваа симбол на љубов, грижа и внимание во овие благословени денови.

Пакетчињата беа донација од СОС БАЛКАН МЕДИА Охрид и новинската агенција Охридскај, што покажаа дека солидарноста и грижата за најмалите се вредности што се негуваат и во современото општество.

Бадниковата поворка беше уште еден потсетник на богатата традиција и духовните вредности што ги пренесуваме од генерација во генерација. Таа не обединува како заедница и нè потсетува на важноста од заедништвото и меѓусебната поддршка.

Нека Бадниковата радост се всели во секој дом, нека донесе мир, здравје и благослов за сите семејства.

Среќен Бадник на сите граѓани на општина Дебрца!