Путин му се заблагодари на Ким Јонг Ун за помошта

Претседателот на Русија, Владимир Путин, денеска изрази благодарност до севернокорејските војници и до лидерот на земјата, Ким Јонг Ун, за улогата што ја одиграа во одбивањето на украинскиот упад, објави Москов тајмс.

Руската војска минатата недела првпат призна дека севернокорејските трупи учествуваат во борбите со украинската војска.

– Пријателите од Северна Кореја дејствуваа во духот на солидарноста, правдата и вистинското другарство – изјави Путин.

- Advertisement -

Мисијата на Пјонгјанг почна според билатералниот договор, потпишан минатиот јуни, кој вклучува клаузули за заемна одбрана.

– Ги цениме јунаштвото, високото ниво на специјализирана обука и храброста на севернокорејските војници, кои ја бранеа нашата татковина како своја, стоејќи рамо до рамо со руските борци. Тие ја следеа својата должност со чест и храброст и се обвија во безвременска слава – посочи Путин, објави Гошен њуз.

Путин вети дека севернокорејските војници што ги загубија животите во борбите ќе бидат почестени „на исто ниво со нивните руски браќа по оружје“.