Путин го посети Курск за прв пат по протерувањето на украинските сили

Рускиот претседател Владимир Путин ја посети Курската област за прв пат откако руската војска ги протера украинските сили од областа минатиот месец, објави Ројтерс во среда.

Кремљ објави дека за време на посетата во вторник, Путин се сретнал со волонтерски здруженија во областа и ја обиколил нуклеарната централа Курск-II.

Тој се сретна и со локалните лидери, вклучувајќи го и вршителот на должноста гувернер на регионот, Александар Хинштајн. Путин беше придружуван од Сергеј Кириенко, заменик-шеф на кабинетот на претседателот.

- Advertisement -

Русија во април објави дека ги потиснала украинските трупи од Курската област, со што го завршила најголемиот упад на руска територија од Втората светска војна.

На својот врв, покривала површина од 1400 квадратни километри.
На 6 август, Украина го започна својот најсмел напад досега, пробивајќи се преку руската граница во Курскиот регион, поддржана од рој беспилотни летала и тешко вооружување што го доби од западните земји.

На врвот на таа воена акција, Украина, тврди тој, окупирала 1.400 квадратни километри.

Кон крајот на април, Путин во видео објавено од Кремљ извести дека украинската офанзива врз рускиот Курски регион е целосно неуспешна, што, како што нагласи, ќе биде основа за идните успеси на руската војска. Видеото го прикажува началникот на Генералштабот на руската армија Валериј Герасимов како му известува на Путин дека украинските сили се протерани од последниот дел од Курската област.

Потоа Герасимов му рекол на Путин дека севернокорејските војници одиграле голема улога во воените успеси на Русија во Курск.