Младинската кошаркарска репрезентација на Македонија ја постигна првата победа на Европското првенство Б дивизија што се игра во Ерменија. Во натпреварот од третото коло Македонија ја совлада Грузија со 92:84 (31:22; 25:13; 15:26; 21:23).
Избраниците на селекторот Горан Самарџиев одиграа одлично прво полувреме пред се во нападот кога постигнаа 56 поени што всушност беше најава на победата. Во последната четвртина противникот намали на десет поени негатива, но македонските кошаркари (играчи до 20 години) успешно и умешно го одбија притисокот на противникот и на на крајот ја прославија првата победа.
Пет играчи во македонскиот тим имаа двоцифрен број поени: Коста Кириловски 18, Марко Лукановски 17, Павел Иванов 14, Стефан Стојковиќ 13 и Ангел Стојанов 13.
Утре на првенството е слободен ден, а во вторник Македонија ќе игра против Швајцарија.
