Противпожарните авиони на ДЗС успешно ги минаа првите тестови

Топ Вести - Слушај сега

Дирекцијата за заштита и спасување денеска ги изведе првите тренажни летови со противпожарните авиони „ер трактор“, со што официјално започна проверката на нивната подготвеност за претстојната сезона на пожари.

- Advertisement -

Пилотите изведуваа низа маневри и симулации на интервенции, фокусирани на брзо и ефикасно реагирање при пожари на отворен простор. Со тренажните летови беше тестирана техничката исправност на авионите, но и координацијата и подготвеноста на екипажите за реални и кризни ситуации.

Од ДЗС информираат дека трите противпожарни авиони успешно ги поминале сите проверки и се подготвени за интервенција доколку се појави потреба.