ПРОПАДНА ГОЛЕМОТО ВРАЌАЊЕ НА КАНЈЕ ВЕСТ НА СЦЕНАТА

Најголемиот светски концертен промотор „Лајв нејшн“ со месеци планирал и вложил милиони долари во враќањето на Канје Вест, но целиот план пропаднал откако британското министерство за внатрешни работи му забрани влез во земјата.

Поради оваа одлука, откажан е и познатиот Wireless Festival 2026, еден од најголемите музички настани во земјата на кој Вест требаше да биде главен изведувач со хонорар од повеќе од 12 милиони евра.

Британската министерка за внатрешни работи, Шабана Махмуд, ја донела одлуката со образложение дека неговото присуство „не би било од јавен интерес“. Само неколку минути по објавата, организаторите соопштиле дека фестивалот се откажува.

- Advertisement -

Канје Вест требаше да биде главен изведувач сите три дена од фестивалот и ова беше голем момент на враќање на раперот во Велика Британија.

Сепак, откако владата на Велика Британија му забрани влез, организаторите на фестивалот останаа без план за замена, настанот беше целосно откажан, а на обожавателите им е ветено целосно враќање на средствата.

Одлуката шокираше многу обожаватели, бидејќи фестивалот Wireless обично привлекува илјадници љубители на музиката секоја година.

Забраната за Канје Вест е поврзана со минатото контроверзно однесување и изјави на американскиот рапер кој даваше антисемитски коментари повеќе пати, јавно го фалеше Адолф Хитлер, промовираше и продаваше предмети со нацистички симболи и објави песна насловена како „Хајл Хитлер“.

Од овие причини владата на Велика Британија веруваше дека неговото присуство може да создаде штета или тензии во земјата, а одлуката, исто така, доби силна поддршка од лидерите и заедниците.

Врз фестивалот имаше растечки притисок дури и пред официјалната забрана, па дури и пред да се вмеша владата, неколку големи брендови веќе ја повлекоа поддршката.

Сите промотивни материјали за тридневниот настан во лондонскиот парк Финсбери се отстранети од интернет. Се очекува откажувањето на фестивалот да предизвика финансиска загуба од околу 30 милиони долари, што би можело да значи и крај за овој фестивал.

Раперот претходно се извини за своите изјави и најави дека сака да покаже промена, но тоа не беше доволно за да се реализира неговото враќање на британската сцена.