Промената на времето ќе почне попладне, ќе дува силно од север и ќе студи

Времето утре ќе биде променливо облачно со сончеви периоди, најавува Управата за хидрометеоролошки работи.

Кон крајот на денот и во текот на ноќта ќе има локални врнежи од дожд, кои наместа ќе бидат пообилни. Ќе дува слаб до умерен, а долж Повардарието повремено засилен ветер од јужен правец.

Најстудено ќе биде во Берово, со утринска температура д 1 степен. најтопло ќе биде во Велес и во Скопје, каде дневната температура ќе достигне до 24 степени Целзиусови.

- Advertisement -

Во Скопје претпладне вреето ќе биде сончево, со умерена облачност. Попладне облачноста ќе се зголеми, а во текот на ноќта ќе има врнежи од дожд. Ќе дува умерен, повремено засилен ветер од југоисточен правец.

Под влијание на влажен бран, утре кон крајот на денот, во текот на ноќта кон петок и во петок најпрвин во западните, а потоа и во останатите делови, ќе има обилни врнежи од дожд, над 30 литри на квадратен метар. На повисоките планини ќе има услови за повремен снег.

Во петок ќе дува силен северен ветер со брзина од над 60 километри на час. Ветерот ќе биде особено изразен вдолж Повардарието. Дневните температури значително ќе опаднат.

Во деновите од викендот и во понеделник ќе има услови за слаб локален дожд, а дневните температури повторно ќе бидат во пораст. Нова дестабилизација се очекува од вторник.