Приведени се двајца ловџии од Битола, ги фатиле со две мртви срни во гепек

Во неделата околу 10:30 часот на крстосница за с.Брод, општина Новаци, полициски службеници од Полициската станица за гранични проверки и граничен надзор Меџитлија ги лишија од слобода С.Ф.(51) и В.Ф.(26), двајцата од Битола, информираше МВР.

„При преглед во возилото ‘форд’ со битолски регистарски ознаки, управувано од С.Ф., а сопатник бил В.Ф., пронајдени се еден карабин и две ловечки пушки со дозволи, неколку уловени пајки, за кои, исто така, поседувале дозвола за лов, како и две уловени срни за кои не поседувале дозвола за лов“, објавија од МВР.

Оттаму велат дека тие се задржани во полициска станица и по целосно документирање на случајот против нив ќе биде поднесена соодветна пријава.