Превртена камионска приколка го блокираше сообраќајот, се чека дигалка

На патниот правец Истибања – Македонска Каменица, во близина на ресторанот „Саваро“, денеска попладне околу 18 часот се случи сообраќаен инцидент при кој се преврте приколка од камион, информираат од СВР Штип.

Од полицијата велат дека интервенирала увидна екипа која треба да ги утврди причините поради кои приколката се превртела и притоа била значително оштетена.

Како последица на превртувањето, сообраќајот на овој патен правец е целосно во прекин, а возилата се пренасочуваат по алтернативни патишта, сѐ до завршување на увидот и отстранување на приколката со специјализирана дигалка, која е во очекување да пристигне на терен.

- Advertisement -

Надлежните апелираат на трпение и внимателност кај возачите, особено во делови каде се одвива пренасочен сообраќај.