Претседателот на Соединетите Американски Држави, Доналд Трамп, воведе царини од најмалку 10 отсто за речиси целиот свет, но Русија беше исклучена од листата, посочува денеска американскиот портал Аксиос.
Портпаролката на Белата куќа, Каролин Левит, изјави за Аксиос дека Русија е изоставена бидејќи американските санкции веќе спречуваат каква било значајна трговија меѓу двете земји.
Другите две главни економии исклучени од инаку исцрпната листа на Трамп беа Канада и Мексико. Левит потврди дека тоа е затоа што Трамп веќе наметнал царини од 25 отсто и за двете.
Сепак, и покрај санкциите, трговијата меѓу САД и Русија останува повисока отколку со некои од земјите на листата, како што се Маурициус и Брунеи.
Вредноста на трговијата меѓу САД и Русија падна од околу 35 милијарди долари во 2021 година на 3,5 милијарди долари од минатата година поради санкциите воведени поради руската инвазија на Украина.
Портпаролката на Белата куќа истакна дека Русија сепак може да се соочи со „дополнителни силни санкции“.
Albanian
English
Macedonian
Turkish
