Премиерот бара можност да се гласа на референдум

Премиерот на Гренланд, Муте Егеде, изјави дека островот сака блиски односи со САД и Данска, но до одредена граница.

Гренланѓаните не сакаат да бидат Данци. Гренланѓаните не сакаат да бидат Американци“, рече Егеде во интервју за Фокс њуз.

Неговите изјави би можеле да го фрустрираат новоизбраниот претседател на САД, Доналд Трамп, кој претходно покажа интерес да ја преземе контролата врз стратешки лоцираниот и богат со ресурси остров.

- Advertisement -

Премиерката на Данска, Мете Фредериксен, го поддржа тврдењето на Егед дека „Гренланд не е на продажба“ и ја повтори таа порака до Трамп за време на телефонскиот разговор пред два дена во средата.

Во интервјуто со Брет Бајер, Егеде го поздрави силното партнерство со ЕУ и САД и изрази отвореност за зголемени европски и американски инвестиции во рударскиот сектор на островот. Слични ставови изрази и министерката за природни ресурси на Гренланд, Наја Х. Натаниелсен, во авторски текст за Вашингтон пост.

Егеде рече дека Гренланѓаните би избрале независност доколку имаат можност да гласаат на референдум, нагласувајќи дека одлуката им припаѓа исклучиво на народот на Гренланд.

– Гренландскиот народ ќе одлучи за иднината на Гренланд – рече тој.

Доколку оваа данска територија добие независност, Егеде посочи дека Гренланд би сакал да остане дел од НАТО како членка на алијансата и да одржи силно безбедносно и одбранбено партнерство со САД и ЕУ.

-Важно е да се разбере дека ако Гренланд оди на тој начин, тој секогаш ќе биде дел од западната алијанса и силен партнер на САД Бидејќи вашата безбедност е наша безбедност – рече тој.