Огромна експлозија се случи во близина на трговскиот центар за храна Шенијанг Дадонг во Кина, што предизвика паника кај граѓаните, а има многу повредени.
Сведоците опишуваат драматични сцени од местото на настанот, каде повредените лежеле на улица, додека другите панично бегале.
Снимките кои брзо се појавија на социјалните мрежи покажуваат хаотични сцени – повредени граѓани лежат на улиците, додека густ чад се издига над местото на експлозијата.
Луѓето се во паника и се обидуваат да најдат безбедно место, додека службите за итни случаи реагираат брзо.
Интересно, кинескиот претседател Си Џинпинг го посети овој трговски центар пред само три дена.
Сѐ уште не се познати деталите за причината за експлозијата и точниот број на жртви.
