Поранешниот британски премиер Џонсон: Украинците се борат како херои, додека ние на Запад чекаме

Топ Вести - Слушај сега

Поранешниот британски премиер Борис Џонсон, кој беше на функција пред четири години кога Русија ја нападна Украина, денес изјави дека Украинците „се борат како херои, додека Западот е несвесен“.

- Advertisement -

„Додека оваа ужасна и непотребна војна влегува во својата петта година, Западот, а особено Соединетите Американски Држави, мора да разберат една вистина: (рускиот претседател Владимир) Путин не сака да ја заврши оваа војна. Путин не сака мир. Тој нема да го запре крвопролевањето сè додека не се соочи со многу поголем притисок“, напиша Џонсон на платформата X.

Поранешниот британски премиер повика на запленување на целата „фантомска“ флота на Русија што се користи за заобиколување на санкциите.

„Ајде да ги одмрзнеме и сите замрзнати средства на Русија и да ги предадеме на Украина. Да им дадеме на Украинците оружјето што им е потребно за да ги уништат сите руски фабрики за беспилотни летала. Да го направиме сето ова сега“, додаде Џонсон.

Руската економија е во криза, загубите на Русија се значителни, рече поранешниот конзервативен британски премиер.

„Сепак, на оваа тажна годишнина од инвазијата на Путин, фундаменталниот проблем останува ист каков што беше во изминатите четири години. Украинците се борат херојски, додека ние на Запад ги одложуваме и одложуваме одлуките. Западот може да ја заврши војната оваа година ако престанеме да чекаме“, додаде Џонсон.