Поранешната Мис Универзум и инфлуенсерка Оливија Кулпо ја објави убавата вест – таа и нејзиниот сопруг, ѕвездата на НФЛ, Кристијан Меккафри, станаа родители

Поранешната Мис Универзум и инфлуенсерка Оливија Кулпо ја објави убавата вест – таа и нејзиниот сопруг, ѕвездата на НФЛ, Кристијан Меккафри, станаа родители. На Инстаграм, убавата Оливија сподели емотивни црно-бели фотографии од болницата, каде што се роди нивната прва ќерка, Колет.

- Advertisement -

На една од фотографиите, раката на бебето може да се види како лежи на ќебе, а на другата, новите родители позираат со Колет како го покрива лицето со раката.

„Колет има толку среќа што го има најдобриот татко на светот“, напиша Оливија на Инстаграм, додавајќи: „Љубов каква што нема друга“.

Оливија и Кристијан се заедно од 2019 година, а се свршија четири години подоцна во текот на одмор во американската држава Јута. Тие се венчаа во јуни 2024 година на интимна церемонија во Роуд Ајленд.

Пред свадбата, Оливија отворено зборуваше во реалното шоу „Сестрите Кулпо“ за своите стравови од ендометриоза и тешкотиите со кои може да се соочи при основањето семејство.

„Постојано се грижам. Имам чувство дека морам да имам деца што е можно побрзо“, рекла убавицата тогаш.

Само девет месеци по свадбата, Оливија ја објави својата бременост на Инстаграм со едноставната порака: „Ново поглавје – мајчинство“.

Подоцна откри дека одлучиле да не го откриваат полот на детето до раѓањето.

„Најважно е бебето да е здраво. Моја задача е да бидам што е можно поздрава и посвесна“, изјави таа за „Е! Њуз“.