Попладнево, силно невреме проследено со град ја погоди територијата на Охрид и околината
Попладнево, силно невреме проследено со град ја погоди територијата на Охрид и околината.
На социјалните мрежи се појавија бројни видеа и фотографии на кои се гледаат темни облаци како се надвиснуваат над градот, додека крупен град, со големина на орев, удира по улиците, покривите и по возилата.
„Се стемни за неколку минути, почна да дува силен ветер, а потоа небото се отвори. Градот беше толку силен што за кратко целата улица беше бела“, гласи еден од коментарите на Фејсбук.
Според податоците од Управата за хидрометеоролошки работи (УХМР), невремето било резултат на силна конвективна облачност која се формирала над западниот дел од земјата. Метеоролозите најавуваат дека и во текот на утрешниот ден постои можност за нестабилности, особено во попладневните часови.
Од Центарот за управување со кризи (ЦУК) апелираат до граѓаните да бидат внимателни и да ги следат препораките на надлежните институции.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
