Нивес Целзијус ги насмеа своите следбеници откако на социјалните мрежи сподели видео од реакцијата на нејзината ќерка Таиша на нејзината нова песна „Синкронија“, која ја сними со пејачот Дино Петриќ.
Таиша седи пред телевизорот и го гледа видеото, додека коментира сцени од истото. Нејзините спонтани забелешки брзо станаа хит меѓу следбениците.
– Набавете си кревет; 18+; Мислев дека ќе биде полошо, добро е, ми се допаѓа; се само дел од коментарите што ги изговара Таиша додека го гледа видеото.
Видеото насмеа многумина, а Таиша во објавата откри дека е најстрогиот критичар на нејзината мајка.
– Веројатно ви е јасно дека јас сум најстрогиот критичар на мајка ми, и кога велам дека оваа песна е хит, таа е хит. Морав малку да ја зезам, ми се допаѓа и спотот и супер го одглумивте тоа – напиша таа во описот.
Нејзината реакција брзо собра бројни лајкови и коментари, а многумина се согласија дека Таиша ја разубави промоцијата на новата песна со своите искрени забелешки.
