Поднесена кривична пријава против “Home For You” и сопственикот С.М.за повреда на работнички права

Топ Вести - Слушај сега

СВР Охрид поднесе кривична пријава против С.М. (43) од Охрид и против правниот субјект “Home For You” со седиште на улица Железничка во Охрид, поради постоење основи на сомнение за сторено кривично дело „повреда на правата од работен однос”.

- Advertisement -

Пријавениот, во својство на сопственик и управител на правниот субјект, свесно не се придржувал кон одредбите од Законот за работните односи. Во правното лице уредно не го пријавил и не извршил работничко осигурување на сега починатиот работник Кристијан Љушев од Охрид, со што му ги одзел и ограничил правата што му припаѓале.

Пријавениот му дозволил пристап на сега веќе починатиот работник на работно место кое е изложено на сериозни и специфични опасности, без притоа да добие посебни упатства за работа. Односно, му дозволил да извршува работни задачи како помошник монтер, без притоа да изврши основна обука од областа на безбедност и здравје при работа и без соодветен здравствен преглед во здравствена ординација по медицина на трудот.