По трагичната смрт на Ерик Дејн на 54-годишна возраст, неговите пријатели започнаа кампања GoFundMe за да обезбедат финансиска поддршка за неговите ќерки

Топ Вести - Слушај сега

По трагичната смрт на Ерик Дејн на 54-годишна возраст, неговите пријатели започнаа кампања GoFundMe за да обезбедат финансиска поддршка за неговите ќерки. Веста привлече големо внимание и измешани реакции на социјалните мрежи, а истото се случуваше и претходно, кога беше покрената кампања за собирање средства за семејството на актерот Џејмс Ван Дер Бик кој неодамна почина од рак.

- Advertisement -

Ерик Дејн почина помалку од една година откако јавно откри дека имал амиотрофична латерална склероза (АЛС), прогресивна и неизлечива болест на нервниот систем.

Според извори блиски до семејството, Дејн се соочил со високи медицински трошоци за време на неговата борба со болеста, што била една од клучните причини за започнување на кампањата.

GoFundMe беше лансирана кратко по неговата смрт, со почетна цел од 250.000 долари. Поради огромниот одзив и поддршка, целта брзо се дуплираше на 500.000 долари, а досега се собрани повеќе од 425.000 долари.

Како што напишаа блиските пријатели на Дејн во описот, кампањата има за цел да обезбеди стабилност и сигурна иднина за неговите две тинејџерки, Били (15) и Џорџија (13), кои ги имаше од бракот со Ребека Гејхарт. Иако Дејн и Гејхарт се разделија во 2017 година, тие останаа блиски, а поради неговата болест, се откажаа од финализирање на разводот во 2025 година.

Во описот на кампањата, пријателите нагласија дека Дејн бил исклучително посветен на своето семејство и дека неговите ќерки се центарот на неговиот свет, како и дека болеста напредувала многу побрзо отколку што некој очекувал.

Меѓу донаторите се и некои познати имиња од индустријата. Сем Левинсон, креаторот на серијата „Еуфорија“, во која Дејн глумеше како Кал Џејкобс, донираше 27.000 долари, додека продуцентот Бред Фалчак придонесе со 10.000 долари.

Иако многумина изразија поддршка за семејството, некои во јавноста ја доведоа во прашање потребата од собирање средства, истакнувајќи дека Дејн е успешен и богат актер. На социјалните мрежи се појавија коментари во кои се прашуваше зошто мултимилионерот нема доволно финансиски средства за своето семејство.

Од друга страна, блискиот пријател на Дејн, Мајк Мекгинис, јавно ја бранеше кампањата, истакнувајќи дека пандемијата и сериозната болест значително влијаеле врз кариерата и приходите на актерот и дека, за жал, тој не бил во можност да му го остави на своето семејство средства какви што сакал.

Вдовицата Ребека Гејхарт им се заблагодарила на сите за поддршката со кратка порака на социјалните мрежи: „Ви благодарам на сите“.

АЛС, позната и како Лу Геригова болест, прогресивно го оштетува нервниот систем, предизвикувајќи мускулна слабост и парализа. Во моментов нема лек, а третманот е фокусиран на ублажување на симптомите и подобрување на квалитетот на животот.

Лансирањето на кампањата GoFundMe стана уште еден потсетник за сериозноста на болеста со која се бореше Дејн, но и за силната поддршка на заедницата што стоеше покрај неговото семејство во нивните најтешки времиња.