Баварската полиција и Европол објавија дека една од најголемите педофилски мрежи досега е откриена во голема меѓународна операција, објави Европол.
Платформата наречена „Кид фликс“ (KidFlix), активна од 2022 година, има 1,8 милиони корисници ширум светот.
За разлика од претходно познатите случаи, оваа мрежа беше фокусирана на видео стриминг, а не само на преземање содржини. Платформата содржи повеќе од 91.000 видеа за експлицитна злоупотреба на деца, вкупно над 6.000 часа. Во просек, 3 и пол нови видеа се прикачуваат на платформата секој час.
Пред неколку дена во Хрватска е уапсен маж, осомничен за детска порнографија. Извесно е дека неговото апсење било дел од оваа акција.
