Паника од „Небесна висина“ во Пентагон

Џиновскиот беспилотен авион, наречен Џиу Тун („Небесна висина“), има дострел од 7.000 километри и може да лета 12 часа без прекин. Според државните кинески медиуми, четвртиот прототип штотуку ја завршил фазата на склопување и влегува во финално тестирање.

Првиот лет се очекува следниот месец.

Дронот може да носи товар до 6 тони, вклучувајќи муниција и системи за надзор. Но, неговата највпечатлива способност е да испукува рој камиказе дронови – стратегија што според експертите може да ја промени рамнотежата на моќта во регионот.

- Advertisement -

Снимките кои ги објавија кинеските медиуми прикажуваат симулиран напад во кој авионот лансира десетици дронови истовремено.

Воени аналитичари предупредуваат дека од вакви напади речиси и не може да се одбрани. Роевите дронови може да прибираат информации, да блокираат комуникации или да напаѓаат со прецизност.

Новиот дрон е дел од сè поагресивниот план на Пекинг за јакнење на воздухопловството – потег што предизвикува сериозна загриженост во Вашингтон и го протресува безбедносниот баланс во Азија.