Оваа европска земја ѝ го сврте грбот на Украина: Го отстранија знамето од зградата на парламентот

Томио Окамура, новоназначениот претседател на Долниот дом и лидер на десничарската популистичка партија СПД, нареди отстранување на украинското знаме од зградата на чешкиот парламент. Тоа знаме е таму од 2022 година, како симбол на чешката солидарност со Украина по руската инвазија.

Во краткото видео, Окамура држи скали додека друг маж го отстранува знамето од предната страна на зградата.

„Ова е одреден симбол. Украинското знаме беше отстрането од зградата на Чешкиот претставнички дом по моја наредба, и тоа траеше само неколку секунди“, изјави Окамура за чешкиот портал iDNES, пренесува tportal.

- Advertisement -

Во периодот пред изборите, СПД агресивно промовираше ветување за отстранување на украинските знамиња од зградите на државните институции, претставувајќи го како враќање кон „суверенитетот и грижата за чешките интереси“. За време на кампањата, Окамура даде низа изјави за Украина, вклучувајќи повик за ограничување на правата на украинските бегалци во Чешка и за прекин на испраќањето воена помош во Киев.

Во среда, според коалицискиот договор меѓу СПД, движењето „Возачи“ и популистичката партија АНО, Окамура беше избран за претседател на Домот на пратениците.

Премиерот Фиала: „Ксенофобично лидерство“ на чело на парламентот
Премиерот во заминување Петр Фиала остро реагираше. Тој го нарече назначувањето на Окамура опасен преседан: „Сега имаме некого на чело на Домот кој апсолутно не треба да биде таму“, рече Фиала, додавајќи дека тоа е „огромна грешка“, пишува euractiv.com.

Тој истакна дека Окамура е познат со години по своите „радикални, расистички, ксенофобични и шовинистички“ изјави и политички популизам.