Орбан го изнафали Нетанјаху

Унгарскиот премиер Виктор Орбан и израелскиот премиер Бенјамин Нетанјаху одржаа заедничка прес-конференција по средбата во Будимпешта, на која зборуваа за односите меѓу Унгарија и Израел, но и, како што истакнуваат, за „политичкиот прогон со кој се соочуваат, пишува ТајмсОфИзраел.

Орбан на почетокот на прес-конференцијата изјави дека „Унгарија е остров на слободата во Европа“.

– Унгарската еврејска заедница е трета по големина еврејска заедница во Европа според бројот на жители. Денес е и најбезбедна во Европа. Знамињата на Хамас не се веат овде бидејќи Унгарија има нулта толеранција за антисемитизмот – рече Орбан.

- Advertisement -

Тој исто така нагласува дека национален интерес на Унгарија е Израел да биде безбедна земја.

– Антисемитизмот се увезува во Западна Европа, илегалната миграција нужно го носи со себе. Бриселската елита не може да го спречи. Прашањето за миграцијата е прашање на суверенитет за нас – рече тој.

После тоа зборуваше за повлекувањето на земјата од Меѓународниот кривичен суд.

– Потпишав договор за повлекување на Унгарија од него. Овој суд е политички мотивиран, а тоа најјасно го покажаа одлуките против Израел. Ние не можеме и не сакаме да учествуваме во тоа – рече тој.

Од друга страна, Нетанјаху порача дека „Меѓународниот суд е гнил и корумпиран“.

– Ви благодариме Унгарија што го поддржувате Израел. Благодариме на Орбан и на Унгарија што застанавте против корумпираниот Меѓународен кривичен суд. Се бориме против варварството. Овој суд е корумпиран – изјави израелскиот премиер Бенјамин Нетанјаху.