Општина Дебрца целосно исчистена од снег, граѓаните повикани на претпазливост

Топ Вести - Слушај сега

Дебрца – Општина Дебрца успешно се справи со снежните врнежи што ја зафатија областа изминатата ноќ, соопшти локалната власт. Снежната покривка е целосно отстранета од сите патни правци во општината, благодарение на навремената реакција на комуналните екипи.

- Advertisement -

Општинските служби беа мобилизирани уште од 3 часот наутро, кога снегот сè уште паѓаше. Екипите веднаш излегоа на терен, целосно подготвени и организирани за интервенција.

Посебно внимание беше посветено на осојничавите и критичните делници од патната мрежа, каде што беше фрлена сол и ризла за да се обезбеди максимална безбедност на сообраќајот.

Иако снегот е отстранет, од општината апелираат до граѓаните да бидат претпазливи. Поради ниските температури што сè уште владеат, сообраќајот може да биде отежнат, особено во утринските часови.

„Апелирам до сите граѓани да користат зимски гуми и да возат со прилагодена брзина. Да се чуваме еден со друг – со малку внимание, зимата полесно се минува”, порача градоначалникот Златко Силјаноски.

Комуналните служби продолжуваат да го следат состојбата на терен и се подготвени за евентуални нови интервенции доколку временските услови го наложат тоа.

С.Д.