Охрид ја одбележа столетната традиција на Богојавление со исклучителна организација и духовно единство

Топ Вести - Слушај сега

Мартин Гоџо – Прц ја доби честа да го извади Часниот крст од водите на Охридското Езеро

- Advertisement -

ОХРИД – Денес сите патишта водеа во Охрид, балканскиот Ерусалим, каде што традицијата на фрлање на Часниот крст во водите на Охридското Езеро трае повеќе од 100 години. Оваа година манифестацијата се одржа во прекрасна атмосфера и со перфектна организација што буквално функционираше како швајцарски часовник.

Заслужува да се истакне фактот дека за прв пат во 30 години црковното пеење на митрополитот Дебарско-Кичевски Георгиј прерасна во вистинска сплотеност на собраните верници. Како да Господ преку зборовите на митрополит Георгиј ни испрати порака за единство. Енергијата која зрачеше од митрополитот, како и самиот чин на влегување на пливачите во водите на езерото, претставуваа момент каков досега не бил виден.

Откако беше фрлен Часниот крст во водите на езерото, пливачите влегоа заедно во водата – без странични скокови, туку сите рамноправно. Оваа година честа да го извади Часниот крст од водите на Охридското Езеро му припадна на најбрзиот и најупорниот варошанец Мартин Гоџо – Прц.

Бог се јави, за многу години!