Новопечената брачна двојка Џеф Безос и Лорен Санчез бараат речиси 190.000 долари од нејзиниот отуѓен брат, Мајкл Санчез, за покривање на судските трошоци што произлегуваат од нивната долгогодишна правна битка

Новопечената брачна двојка Џеф Безос и Лорен Санчез бараат речиси 190.000 долари од нејзиниот отуѓен брат, Мајкл Санчез, за покривање на судските трошоци што произлегуваат од нивната долгогодишна правна битка. Сумата изгледа минимална во споредба со нивните неодамнешни трошоци, но двојката не се откажува од борбата, пишува „Пејџ сикс“.

Според документите поднесени во Вишиот суд на Калифорнија на 28 јули, Џеф и Лорен бараат Мајкл да им плати точно 182.374 долари за адвокатски трошоци и 8.182 долари за судски трошоци. Во барањето се додава дека тие заслужуваат надомест за поднесувањето на „несериозни“ тужби од страна на Мајкл „за кои знаел или требало да знае дека се осудени на пропаст од самиот почеток“. Еден час работа на нивните адвокати се движеле од 549 до дури 1.125 долари.

Зошто се тужат?

- Advertisement -

Семејната расправија започна кратко откако Безос објави дека се разведува од сопругата Мекензи Скот по 25 години брак, а медиумите ексклузивно ја открија неговата врска со Санчез, која тогаш сè уште беше во брак со холивудскиот агент Патрик Вајтсел.

Работите ескалираа кога „Нешнал енквајер“ наводно се закани дека ќе објави експлицитни фотографии од Безос. Мајкл негираше дека им дал какви било фотографии на медиумите, но „Њујорк тајмс“ објави дека тој и „Американ медиа“ потпишале договор за доверливост поврзан со „одредени информации, фотографии и текстуални пораки што ја документираат аферата меѓу Џеф Безос и Лорен Санчез“.

Мајкл го тужеше Џеф во 2020 година, но го изгуби случајот

Во февруари 2020 година, Мајкл Санчез поднесе тужба против Џеф Безос, обвинувајќи го него и неговиот тим дека лажно го претставувале како личност која им обезбедила на медиумите приватни пораки и материјали поврзани со врската на Безос со Лорен Санчез, за кои тој тврдеше дека му наштетиле на неговиот углед и бизнис. Судот во Лос Анџелес ги отфрли обвиненијата за клевета, заклучувајќи дека доставените докази не ги исполнуваат потребните правни критериуми и во голема мера се потпираат на несигурни или недозволени извори. На Безос му беше доделен дел од судските трошоци.

Следеа бројни дополнителни поднесоци и противтужби, вклучително и надомест за трошоците. Сега Безос и Лорен Санчез бараат дополнителна отштета, тврдејќи дека Мајкл дал „неосновани“ и однапред проценети тврдења кои само создавале непотребни трошоци.

Мајкл не беше поканет на венчавката

Барањето за трошоци доаѓа недолго по нивната раскошна, тридневна свадба од 50 милиони долари во Венеција, на која присуствуваа познати личности како Опра Винфри, Орландо Блум и Иванка Трамп. Браќата и сестрите на Лорен, Пол и Елена, беа поканети на свадбата, но Мајкл не беше.

Мајкл, со кого Лорен повеќе не комуницира, ги нарече Безос и Санчез „лажговци и измамници“, а правосудниот систем „корумпиран“ во соопштение, прогласувајќи ја својата победа во спорот.