Ново обвинение против синот на принцезата ја потресе нацијата

Топ Вести - Слушај сега

Мариус Борг Хојби (29), најстариот син на престолонаследничката, принцезата Мете-Марит и посинок на престолонаследникот, принцот Хаакон, е обвинет за 32 кривични дела, вклучувајќи силување, семејно насилство, напад и злоупотреба.

- Advertisement -

Обвиненијата доаѓаат по едногодишна полициска истрага. Хојби ги негира најсериозните обвинувања. Доколку биде осуден, може да се соочи со затворска казна до 10 години. Норвешката кралска палата вели дека случајот ќе им го препушти на судовите.

Тој сека се соочува со дополнителни кривични обвиненија само неколку дена пред почетокот на неговото долгоочекувано судење во Осло.

Според обвинителството, против 29-годишникот сега се поднесени вкупно 38 обвиненија, вклучувајќи сериозни кривични дела како што се наводно силување, насилство врз интимен партнер, напад, закани со смрт, прекршување на забрана за движење, како и бројни сообраќајни прекршоци.

Најновите обвиненија вклучуваат сериозен случај од јули 2020 година, кога Хојби наводно примил и транспортирал најмалку 3,5 килограми марихуана низ Норвешка и ја предал дрогата на друго лице. Тој е обвинет и за две прекршувања на забраната за движење и три дополнителни прекршоци според Законот за сообраќај.

Судењето е закажано да започне на 3 февруари во Осло и да трае до средината на март, а норвешката јавност внимателно го следи случајот, кој длабоко го потресе кралското семејство и покрена прашања за одговорноста, правдата и еднаквоста пред законот.

Во декември, членовите на кралското семејство за прв пат јавно проговорија за случајот. Мете-Марит, нејзиниот сопруг, престолонаследникот Хаакон, како и кралот Харалд и кралицата Соња, проговорија за личниот и семеен товар што обвинувањата го наметнаа врз нив.

Мете-Марит ги отфрли тврдењата дека го предупредила својот син за неговото апсење и призна колку длабоко ја погодиле обвинувањата. Таа истакна дека семејството побарало стручна помош за Мариус и нагласи дека ја сфатиле ситуацијата сериозно од самиот почеток, и покрај јавните критики.

Кралот Харалд рече дека кралското семејство ќе се обиде да продолжи со своите должности „како и обично“, но изрази сочувство за сите оние кои се погодени од случајот, особено за наводните жртви.

Норвешкото јавно обвинителство претходно нагласи дека ова е исклучително сериозен случај и дека кралскиот статус на семејството Хојби не треба да има никакво влијание врз текот на постапката. Доколку биде осуден, Борг Хојби може да се соочи со затворска казна до десет години.

52-годишната поранешна келнерка Мете-Марит го доби 29-годишниот Мариус во врска со осудениот криминалец Мортен Борг. Иако не е официјален член на кралското семејство, Мариус често бил во друштво на неговата мајка, очувот, полусестрата Ингрид Александра и полубратот Свере Магнус, но првите проблеми започнале во 2017 година кога бил уапсен за поседување мала количина дрога, за што бил казнет со 4.000 норвешки круни.

Претстојното судење е едно од најчувствителните во поновата норвешка историја, а неговиот исход може да има долгорочни последици не само за обвинетите, туку и за перцепцијата на јавноста за норвешката монархија.