Неколку мртви во експлозија во познатото швајцарско скијалиште Кран -Монтана

Топ Вести - Слушај сега

Неколку лица загинаа, а неколку други се повредени во експлозија и пожар во бар во познатиот швајцарски скијачки центар Кран-Монтана во текот на ноќта, потврди полицијата. Експлозијата се случила околу 1:30 часот по локално време во барот „Ле Констелашн“, а причината сè уште не е позната, објави Би-Би-Си.

- Advertisement -

Во изјава за медиумите, полицијата потврди дека експлозијата се случила додека во барот се славела Новата година.

Снимките што го прикажуваат пожарот на локацијата кружат на социјалните мрежи. Властите, исто така, отворија телефонска линија за помош на семејствата погодени од несреќата.

Кран-Монтана е луксузен скијачки центар сместен во срцето на швајцарските Алпи, во регионот Вале, на околу два часа возење од главниот град Берн.