Министерката за образование и наука Весна Јаневска, во контекст на тоа дали има доволен број на наставници во државата се планира воведување на едносменска настава во училиштата, напомена дека дистрибуција на наставниците е нерамномерна и ќе се врши нивна прераспределба.
Таа додаде дека наставниците нема да останат без работа, туку ќе станат пофункционални.
– Дистрибуцијата на наставници во училиштата во Македонија е нерамномерна. Во некои училишта постојат повеќе паралелки со 12, 10 или со 15 деца, и треба да се зачуваат работните места на наставници, кои што во овој момент би биле вишок ако се спојат паралелките. Но, пак, во други училишта, има недостаток на наставници, ако ја спроведеме целосно едносменската настава. Поради тоа, ќе правиме прераспределба на наставници, од таму каде што ги има вишок, во тие општини каде што тие недостасуваат – изјави Јаневска.
Таа нагласи дека прераспределбата ќе се врши во општините на Скопје или во соседните општини.
– Јас и натаму тврдам дека наставниците нема да останат без работа, тие само ќе станат пофункционални. Прераспределбата ќе ја прави Министерството, заедно со локалната самоуправа и со менаџерите на училиштата – рече Јаневска.
