Најмалку едно лице загина, а повеќе од 30 други беа повредени кога два балони на топол воздух се урнаа во регионот Кападокија во Турција

Најмалку едно лице загина, а повеќе од 30 други беа повредени кога два балони на топол воздух се урнаа во регионот Кападокија во Турција во неделата.

Гувернерот на регионот, Мехмет Али Кумбузолу, за дописникот на агенцијата Анадолија изјави дека балонот на топол воздух, кој полетувал од долината Ихлара кон планината Хасан, направил грубо слетување во близина на селото Гозлукују.

- Advertisement -

Наведувајќи дека пилотот загинал во несреќата, Кумбузолу рече дека 19 индонезиски туристи се повредени.

Тој додаде дека пилотот паднал од кошницата бидејќи нозете му се заплеткале во јаже.

– За жал, нашиот пилот се заглавил под кошницата и починал. Туристите се во добра состојба. Ги однесовме во болница со брза помош. Моментално се прегледуваат – рече тој.

Во друг инцидент, балон на топол воздух кој исто така полетал од долината Ихлара направил грубо слетување во близина на селото Белисирма, при што 12 индиски туристи добиле полесни повреди и се однесени во болница.