Најмалку едно лице загина, а петмина се повредени откако автомобил ноќеска намерно удрил во група луѓе во францускиот град Евре

Најмалку едно лице загина, а петмина се повредени откако автомобил ноќеска намерно удрил во група луѓе во францускиот град Евре, соопшти градоначалникот на градот, Ги Лефран на социјалните мрежи.

Автомобилот удрил во група луѓе пред еден бар во Евре околу 4 часот наутро, кога дошло до расправија меѓу неколку посетители на барот, пренесува телевизијата BFM.

Обезбедувањето потоа одлучило да исфрли надвор околу стотина луѓе кои биле во објектот, по што се претпоставува дека едно лице отишло по возило и намерно со голема брзина влетало во толпата луѓе пред објектот.

- Advertisement -

Сите повредени се хоспитализирани во Универзитетската болница во Евре, а поради инцидентот приведени се три лица.

Според изјава на локалните власти, покрената е истрага за убиство и обид за убиство, а исклучен е каков било „терористички или расистички“ мотив.