На социјалните мрежи се појави драматично видео од обидот за киднапирање на мајка во Париз

На социјалните мрежи се појави драматично видео од обидот за киднапирање на мајка во Париз.

На видеото се прикажани маскирани напаѓачи како се обидуваат да киднапираат жена, влечејќи ја низ улицата, додека маж, наводно татко на нејзиното дете, се обидува да ја спаси.

Се слуша женски крик, драматичната сцена трае неколку десетици секунди, додека киднаперите на крајот се откажуваат, се враќаат во комбето и бегаат. На улицата има и други минувачи, кои на почетокот се двоумат да помогнат и покрај вресоците на жената, но на крајот неколку од нив решаваат да интервенираат.

- Advertisement -

За потсетување, жена, наводно ќерка на извршниот директор на платформа за тргување со криптовалути, беше спасена во вторник наутро кога напаѓачите се обидоа да ја киднапираат.

Според полициски извор, жената била со своето дете (2) кога се случил обидот за киднапирање. Сè уште не е познато како детето (2) успеало да им избега на киднаперите кои се обидувале насилно да ја внесат неговата мајка во комбето.

За среќа, тие беа неуспешни благодарение на храбрата интервенција на таткото на детето, пишува „Ле Паризиен“.

Мажот ѝ помогнал на жената и добил неколку удари од киднаперот. Шокантната сцена се одвиваше пред очите на многу минувачи, кои се плашеа да интервенираат и покрај вресоците на жртвата. Напаѓачите, од кои едниот очигледно го изгубил пиштолот, за кој не е јасно дали бил вистински или лажен, на крајот брзо избегале, враќајќи се во комбето.

Возилото е пронајдено на улица во истата општина. Според информациите од „Ле Паризиен“, жената е ќерка на извршниот директор на платформа за купување криптовалути.