На Меџитлија има забрана за товарни возила

Топ Вести - Слушај сега

Сообраќајот на државните патишта се одвива во зимски услови, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира Авто-мото сојузот на Македонија.

- Advertisement -

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На Граничниот премин Меџитлија/Ники има забрана за движење на товарни возила до утре до 10:00 часот. Сообраќајот за патнички моторни возила ќе се одвива со нормален тек.

Од синоќа, сообраќајот на Граничниот премин Богородица/Евзони е пуштен за сите видови возила.

АМСМ потсетува дека во сила е законската обврска за задолжително поседување на зимска опрема во возилата, без оглед на моменталната временска состојба.