МВР: Уапсен маж, запленети пет килограми прашок сличен на амфетамин

Припадници на Министерството за внатрешни работи во Белград, Полициска станица Звездара, во соработка со Вишото јавно обвинителство во Белград, го уапсија М. М. (40), поради постоење основи на сомнение дека сторил кривично дело неовластено производство и дистрибуција на наркотични дроги, се вели во соопштението на МВР.

Полицијата, се додава во соопштението, извршила претрес во станот и другите простории што ги користел осомничениот и пронашла и запленила околу пет килограми прашок сличен на амфетамин.

На осомничениот му е одреден притвор до 48 часа и ќе биде изведен пред надлежниот виш јавен обвинител со кривична пријава.