Москва користи дронови над Одеса: најмалку две лица загинаа, неколку се повредени

Најмалку две лица загинаа, а 15 се повредени во напад со руски дрон во Одеса, јужна Украина, соопштија украинските власти. Во нападот беа оштетени и едно училиште и неколку станбени згради, а пожари избувнаа во неколку делови од градот.

Најмалку две лица загинаа, а 15 други се повредени во напад со руски дрон во Одеса, јужна Украина, соопштија украинските власти. Русија, исто така, го нападна градот Харков во источна Украина со беспилотни летала ноќе, а во градот Суми во близина на границата со Русија, руските сили нападнаа индустриски објект.

Предупредувања за воздушен напад се издадени во неколку украински градови, вклучувајќи ги Киев, Харков, Чернигов, Донецк, Днепропетровск и Запорожје, објави француската новинска агенција АФП.

- Advertisement -

Неколку станбени згради, училиште, продавница и автомобили беа оштетени во нападот врз Одеса, изјави регионалниот гувернер Олег Кипер на Телеграм. Повеќе од 200 луѓе беа евакуирани од една од зградите. Пожари избувнаа во делови од градот, додаде тој.

Како одговор на новите руски напади, Андриј Јермак, советник на украинскиот претседател Володимир Зеленски, повика на целосно прекин на огнот. „Мораме да соработуваме со САД на ова“, напиша тој на Телеграм откако Украина и САД потпишаа договор за ретки метали во среда навечер, што администрацијата на американскиот претседател Доналд Трамп го опиша како нова форма на посветеност на САД кон Киев по завршувањето на воената помош, пренесува АФП.