Млада тетовчанка се здоби со тешки повреди откако вчера паднала од балкон во Тетово

Топ Вести - Слушај сега

Млада тетовчанка се здоби со тешки повреди откако вчера паднала од балкон во Тетово, а полицијата по наредба од јавен обвинител веќе врши истрага за тоа како точно дошло до несреќата.

- Advertisement -

Според официјалните информации од СВР Тетово, немилиот настан се случил синоќа, околу 18:40 часот. Случајот во полиција бил пријавен од страна на екипите на Итната медицинска помош кои први пристигнале и интервенирале на терен.

Поради сериозноста и карактерот на здобиените повреди при падот, младата девојка итно е пренесена на понатамошно лекување во Клиничкиот центар „Мајка Тереза“ во Скопје.
Полицијата извршила увид на местото на настанот, но засега не соопштува детали за околностите кои довеле до падот на тетовчанката.