Мицкоски очекува добри резултати во земјоделството

Податоците за состојбата во земјоделството, односно зголемените откупни цени и намалените трошоците се одлични, изјави премиерот  Христијан Мицкоски.

-Апсолутно е тоа точно, и тоа го покажува новиот извештај на Државниот завод за статистика. Имаме двоцифрен раст (11%) на аутпутот, односно зголемување на цените кон откупувачите, коишто генерално оди за извоз, и би рекол незначителен  1,2  и 2 % зголемен импут во трошоците, во расходната страна на земјоделците.  И тоа е веќе неколку месеци и тоа е одлично. Тоа е одличен параметар, тоа значи  повеќе пари за инвестиции и повеќе пари за земјоделците -рече Мицкоси.Што се однесува до поддршката која ја дава оваа Влада за земјоделците, премиерот напомена дека изминатата година се дадени повеќе од 8 милијарди денари, пари за исплата на заостанати субвенции од 2021 година.

– Од 2021 плаќавме од 2021, 2022, 2023-та и 2024-та година, мислам дека е заокружена. Сега треба да се размислува за тековната година. Така што  од 2021 година се плаќаат заостанати субвенции од 8,6 милијарди денари, од прилика – рече Мицкоски