Српскиот министер за внатрешни работи Ивица Дачиќ призна дека полицијата поседува звучно оружје, колоквијално наречени звучни топови, што значи дека овие системи се купени во 2021 година и се во сопственост на Министерството за внатрешни работи.
„Овие системи се во нашите магацини и се уште се во кутии. Тие се во сопственост на МВР, но не се во употреба, ниту се поставени на некое од нашите возила или системи“, изјави Дачиќ за Данас.
На прашањето зошто рече дека МВР не поседува звучен топ, ниту друго слично звучно оружје, министерот рече дека тоа е несмасна изјава.
„Тоа е несмасна изјава. Со тоа се мисли дека МВР не ја вклучи оваа алатка во својот арсенал на средства за присилба.
Тој одговори и зошто Србија однапред купила систем чија употреба не е дозволена.
„Тоа е неуспешна инвестиција. Тогаш веројатно се мислеше дека ќе се донесе нов Закон за полиција кој ќе предвидува употреба на звучно оружје како уште едно средство за принуда“, објасни тој, додавајќи дека тој во тоа време не бил министер за полиција.
Инаку, вчера на седницата на собраниската Комисија за безбедност, Ивица Дачиќ одговарајќи на прашање на Мирослав Алексиќ рече дека МВР има звучен топ од американската компанија Генасис ЛРАД 100Х.
