Управата за хидрометеоролошки работи (УХМР) денеска сподели „метео аларм“ за утрешниот ден (07.10.2025).
Имено, УХМР во објава на својот профил на Фејсбук прогнозира дека утре ќе дува умерен до засилен, а долж Повардарието повремено силен ветер од северозападен правец (над 60 km/h).
На фотографијата која ја сподели УХМР прикажано е кои делови од Македонија ќе бидат зафатени со силен ветер.
Според прогнозата, до среда ќе се задржи претежно облачно време со повремени локални врнежи од дожд и студени утра. Потоа следи период на стабилно и суво време со постепен пораст на дневната температура.
