Маж е уапсен откако денеска избодел осум лица и повредил уште седум со супстанца за која се верува дека е белило, во фабрика за гума во централна Јапонија

Топ Вести - Слушај сега

Маж е уапсен откако денеска избодел осум лица и повредил уште седум со супстанца за која се верува дека е белило, во фабрика за гума во централна Јапонија, соопштија официјални лица.

- Advertisement -

Осум лица биле пренесени во болници откако напаѓачот ги нападнал со нож во комплексот на компанијата „Yokohama Rubber“ во градот Мишима, во префектурата Шизуока, западно од Токио, информира противпожарната служба „Fujisan Nanto“.

Од противпожарната служба потврдија за Асошиетед прес дека петмина од избодените лица се во критична состојба, додека други детали засега не се соопштени.

Полицијата на префектурата Шизуока соопшти дека напаѓачот, 38-годишен маж, е уапсен под сомнение за обид за убиство во фабриката, но не изнесе дополнителни информации за можниот мотив.

Седум други лица биле повредени откако напаѓачот фрлил белило врз нив за време на нападот, додадоа од противпожарната служба. Истрагата е во тек, а повеќе детали за инцидентот се очекуваат подоцна.