Актерката Марион Котијар (49) и францускиот филмски режисер Гијом Кане (52) ја објавија веста за раскинувањето на Агенција Франс Прес, наведувајќи дека целта на нивната изјава е да „избегнат шпекулации, гласини и ризични толкувања“.
Без да наведат конкретна причина за раскинувањето, поранешниот француски пар изјави дека се разделуваат по „заемен договор“ и во „заемна добра волја“.
Котијар и Кaне глумеа заедно во филмот „Детски игри“ од 2003 година, а влегоа во романтична врска во 2007 година.
Двојката го доби своето прво дете, син по име Марсел, на 19 мај 2011 година. Во март 2017 година, нејзините претставници потврдија за списанието „People“ дека Котијар и Кане неодамна добиле уште едно дете – девојче.
Улогата на француската пејачка Едит Пјаф во филмот „La Vie en Rose“ ѝ донесе на Котијар Оскар во 2008 година.
Таа и Кане соработуваа со Леонардо Дикаприо – Котијар беше негов љубовен интерес во филмот од 2010 година „Почеток“, додека Кејн, кој е исто така актер, имаше улога во филмот од 2000 година „Плажата“.
Котијар глумеше и покрај Бред Пит во романтичниот трилер од Втората светска војна „Сојузници“.
Нивната професионална соработка на тој филм предизвика гласини за наводна афера, кои се појавија кратко пред разводот на Бред Пит и Анџелина Џоли.
Додека беше бремена со второто дете, актерката јавно ги негираше гласините.
