Скопјанец на возраст од 45 години пријавил во полиција дека неговиот 14-годишен син бил жртва на силување од страна на друг малолетник.
Според пријавата поднесена на 14 мај 2025 година во СВР Скопје, настанот се случил два дена претходно, на подрачјето на општина Карпош. Во пријавата е наведено дека сторителот со закана и употреба на сила извршил обљуба врз малолетното дете.
Од Министерството за внатрешни работи потврдуваат дека се работи на расчистување на случајот и дека се преземаат соодветни мерки. Во интерес на истрагата и поради возраста на инволвираните, повеќе детали засега не се соопштуваат.
