Македонската тенисерка загуби во финалето

Македонската тенисерка Лина Ѓорческа го загуби финалето на W 75 турнирот што се играше денеска во Букурешт, за награден фонд од 60.000 долари. Поуспешна од неа беше актуелната јуниорска шампионка на Ролан Гарос Лили Тагер од Австрија со 2-1 во сетови (6:4, 3:6 и 6:4).

Со овој пораз прекината е низата од девет победи на македонската тенисерка, а на последните 20 меча Ѓорческа има 17 победи. Финалниот меч траеше 2 часа и 35 минути.

Ова за Ѓорческа беше петто финале во 2025 година или вкупно 40. во кариерата, а има две турнирски победи во 2025 и вкупно 15 во кариерата.

- Advertisement -

За пласманот во финалето на турнирот во Букурешт Лина Ѓорческа освои 49 поени и со 343 поени утре треба да се пробие на 207. место на ВТА ранг-листата.

Следната недела македонската тенисерка ќе настапи на турнир во Куршумлијска Бања.